22 feb. 2018

DÍA DE ROSALÍA

Todos/as coñecemos o nome do noso centro educativo, pero algún de vos sabe quen era Rosalía de Castro?, a que se adicaba?, que fixo polo galego e polos galegos?
Pois o vindeiro 24 de febreiro celébranse os 181 anos dende o seu nacemento. Unha ocasión perfecta para saber algo máis sobre esta escritora. Para levar a cabo esta tarefa, dende a biblioteca proporcionámosvos unha serie de libros que estarán expostos no corredor de infantil. 



31 ene. 2018

RECOMENDAMOS!!


A editorial Kalandraka acaba de publicar Por que? de Nikolai Popov. 
O autor, que viviu  os horrores da 2ª Guerra Mundial, pregúntase  neste álbum cales son as causas das guerras e convida aos lectores e lectoras a reflexionar sobre os conflitos, desde os máis cotiáns ás grandes loitas para sementar unha cultura e educación para a paz, o diálogo e a tolerancia entre os máis novos.
Na presentación editorial indícasenos  que  "a senrazón da guerra, a violencia, a vinganza, a devastación e a morte asómanse en toda a súa crueza ás páxinas deste libro visual; unha fábula que comenza coa bucólica estampa dunha ra gozando do arrecendo dunha flor, ata a irrupción dun rato que a ataca para quitarlla. Xorde daquela unha loita entre dous bandos cada vez máis numerosos en individuos e medios bélicos que dá lugar a emboscadas e bombardeos. Dun prado florido, a un lugar desolado; dunha minucia, a un gran conflicto sen ter mediado nin unha soa palabra."
Este álbum cómpre telo en conta nas lecturas, nas seleccións e outras actividades que fagamos na biblioteca escolar para conmemorar  o Día escolar pola paz e non violencia.
Outros títulos :
A bruxa Discordia de Mamá Cabra e Carmen Gil
O Valo de Carlos Labraña
 Eu son Suleiman de Antonio Lozano
Camiños de auga  de Manuel Núñez Singala. 

DÍA DA PAZ

O martes 30 de xaneiro conmemoramos o día Internacional da Paz. No seguinte vídeo poderedes ver unhas danzas que se interpretaron no patio do centro, así como a lectura dun libro de normas. Esperemos que vos gusten.


22 ene. 2018

LIBROS NOVOS

Boas Dontiñ@s!! Para comezar o ano 2018,  este mes de xaneiro estará no corredor unha exposición de contos novos. Esperemos que vos gusten!!


18 dic. 2017

GUÍA DE LECTURA DE NADAL

Para este Nadal quixemos recomendar aos nen@s que lles pedisen contos aos Reis Magos e Papá Noel. Algunhas desas lecturas recomendadas aparecen na seguinte guía de Nadal.



20 nov. 2017

DÍA INTERNACIONAL DOS DEREITOS DA INFANCIA

O 20 de novembro de 1959, a Asamblea Xeral da ONU aprobou a Declaración Universal dos dereitos dos nenos e nenas. Esta Declaración, establece en dez principios cuidadosamente redactados, os dereitos dos nenos e nenas para que disfruten de protección especial e dispoñan de opotunidades e servicios que lles permitan desenvolverse felizmente en forma sa e normal, en condicións de liberdade e dignidade; para que teñan un nome e unha nacionalidade desde o seu nacemento; para que gocen dos beneficios da seguridade social e reciban tratamento, educación e coidados especiais se teñen algún padecemento; para crecer nun ambiente de afecto e seguridade; para que reciban educación e figuren entre os primeiros que reciban protección e socorro en casos de desastre; para que se lles protexa contra calquer forma de discriminación, á par de que sexan educados nun espíritu de comprensión, tolerancia, amizade entre os pobos, pola paz e a fraternidade universal.
Esta Declaración, ademais de proclamar os dereitos das nenas e dos nenos, insta aos pais, aos adultos, ás organizacións e ás autoridades, a que recoñezan istos dereitos e loiten pola súa observancia.
Neste vídeo móstrase a exposición de libros que están no corredor do colexio relacionados con este día.


7 nov. 2017

samaín 2017

No seguinte vídeo fotográfico poderedes ver as imaxes relacionadas con todo o que fixemos no Samaín 2017: exposición de contos, chocolatada, decoración dos corredores e do patio infantil...Pasámolo de medo!!!


27 oct. 2017

SORTEO 27 OUTUBRO

Sorteo do venres 27 de outubro. Nesta ocasión, como remata o mes da biblioteca foron 5 os premiados.




  •  Naia Gondar Fernández, de 1º A
  • Nerea Fernández Murillo, de 1º A
  • Saea Álvarez Vázquez, de 2º A

  • María Galego Muñoz, de 2º A
  • Álvaro Duro Serantes, de 5º A

Bibliotecas Escolares

O Día 24 de outubro celébrase o Día da Biblioteca. Van xa máis de dúas décadas desde que a Asociación Amigos del Libro Infantil y Juvenil propuxera esta data para facer fincapé nos beneficios destas institucións ao servizo da lectura, da cultura e da cidadanía. Posteriormente, o Ministerio de Cultura apoiou esta celebración e todos os anos edítase un cartel cun texto conmemorativo e realízase un acto de celebración oficial. O cartel e"pregón" deste ano 2017 pódese consultar AQUÍ

No colexio celebrámos esta data con dúas actividades de contacontos: as bibliotecarias do Concello de O Grove e a contacontos Celtia Figueiras. No seguinte vídeo podedes ver algunhas fotos. 



26 oct. 2017

FASE DE INVESTIGACIÓN PDI



GAÑADORES DO TRABALLO DE INVESTIGACIÓN 
DO PDI
  • SEXTO NIVEL: Lucía Villanueva García e Alba Lobato Novas, de 6º B, con 26,25 puntos de 29 posibles
  • QUINTO NIVEL: Alba Prol e Yago Naveiro, de 5º B, con 27,75 puntos de 29 posibles
  • CUARTO NIVEL: Alex Cao Bea e Christian Dorta Álvarez, con 26,25 puntos de 29 posibles
  • TERCEIRO NIVEL: Karina Iglesias e Helena Domínguez, de 3º A, con 27 puntos de 29 posibles