21 mar. 2017

VISITA PACO NOGUEIRAS

O mércores dia 15 de marzo recibímola visita de Paco Nogueiras (músico e actor). 


14 mar. 2017

MES DA POESÍA



Dende a biblioteca quixemos aportar o noso pequeno gran de area para transmitir este fermoso estilo literario e achegalo aos nenos e nenas do Rosalía. A continuación amosámosvos a exposición que decora o noso corredor central. Disfrutádeo!!


GAÑADORES CONCURSO CITAS DE AMOR

Estes son os gañadores do concurso de citas de amor. Recibiron como premios un marcapáxinas de Rosalía de Castro, pois o premio foi entregado o 24 de febreiro, “Día de Rosalía de Castro”, unha mochila para levar libros e, como non, un libro. Grazas por participar e noraboa.
  • Pepe López Martínez, de 4º B
  • Hugo Domínguez Meis, de 5º A
  • Niko Allo Salgueiro, de 6º A

20 feb. 2017

ROSALÍA CON NÓS

                                         

Hola compañeiros!!! Todos/as coñecemos o nome do noso centro educativo, pero algún de vos sabe quen era Rosalía de Castro?, a que se adicaba?, que fixo polo galego e polos galegos?
Pois o vindeiro 24 de febreiro celébranse os 180 anos dende o seu nacemento. Unha ocasión perfecta para saber algo máis sobre esta precursora que empregando a nosa lingua nai, aloumiñou os nosos oidos e os nosos corazóns cos seus versos e as súas historias cun profundo arraigamento galego!
E para levar a cabo esta tarefa, dende a biblioteca proporcionámosvos unha serie de enlaces nos que atoparemos gran cantidade de información sobre a autora:

LA VOZ DE GALICIA

CULTURA DE GALICIA



Tamén temos unha exposición no corredor con información de Rosalía e unha morea de contos. Esperemos que vos gusten.
















GAÑADORES SORTEO CITAS DE AMOR

Os premiados do concurso de citas de amor do venres 17 de febreiro son:

·         Alba Rey Galiñanes, de 4º B
·         Carmen Míguez Oubiña, de 4º B
·         Lucía García González, de 6º A









15 feb. 2017

DÍA INTERNACIONAL DO CANCRO INFANTIL

Instituído no ano 2011, o 15 de febreiro é desde aquela o Día Internacional contra o Cancro Infantil para sensibilizar sobre os desafíos cotiáns que enfrontan enfermos e familias e lograr que todos teñan acceso a un diagnóstico e tratamento axeitados. Un lazo dourado simboliza este día. 

14 feb. 2017

Mes do amor e da amizade

Como xa sabedes de anos anteriores, o mes de febreiro é o mes do amor e da amizade. Dende a biblioteca propuxémos unhas actividades nas que podedes participar. Teredes no corredor unha  serie de citas de amor para poder levar ás vosas casas. Ademais realizarase un concurso de citas. Animádevos a participar!!


19 ene. 2017

TERRITORIO DAS ARTES

A Biblioteca Escolar é o “Territorio das Artes”, pois nela atopamos libros que tratan de Arte: de Arquitectura, de Escultura, de Pintura, de Música, de Debuxo, de Cinematografía, de Fotografía, de Cómic, de Literatura, etc.., pero tamén porque os libros en si mesmos son un arte, tanto polos seus textos literarios como polas súas ilustracións, e, incluso, nalgúns casos, pola propia edición do libro.
No corredor do Centro temos unha exposición de libros titulada “Biblioteca Escolar, territorio das artes”, que vos animamos a visitar. Nela atoparedes libros que poderedes levar prestados para casa que vos axudarán a coñecer algo máis sobre as diferentes artes. Que os desfrutedes!