Chegou a primavera

O curso pasado Donte sorprendeunos cun poema dedicado á chegada da primavera; hoxe recordámolo co mesmo motivo, xa que ás 6:14h produciuse o equinoccio de primavera que indica a entrada desta alegre estación.(momento que vedes reflexado na imaxe da esquerda)

Poema de Donte
Chegou a primavera
é un día especial,
e a poesía celebra
o seu Día Mundial.

Expresión dos sentimentos,
expresión de sensacións,
coa poesía aprendemos
a que falen os corazóns.

As palabras collen ritmo
bailando todas a un son,
os versos van fluíndo
ata enchernos de emoción.

Esta derradeira estrofa
é unha pequena homenaxe
aos poetas de antes e agora,
que fixeron arte ao expresarse.